自拍上癮 會考港女Ruby博做o靚模

香港最後一屆會考火熱進行中，不過近日一位末代會考港女 Ruby（鄧×雯），上週考完地理後，仲有時間拍片上網數臭香港英文會考監考官。可惜就讀何文田區內 Band 2中五妹的 Ruby，即時被網友指佢態度囂張，喺 facebook更有多個群組勁搵佢，連佢同學仔都對本刊鬧爆佢：「佢返學好姿整
查實 Ruby一直有鋪自拍癮，經常自拍短片扮主播，對自己外貌口才好有信心有志做 o靚模。
不過想做 model，都要畀心機考好個會考 o架！
Ruby 喺片中，咬牙切齒咁話要拍一段「 English Video」，插爆香港會考監考官啲英文屎，除咗話啲考官將「 zip up your bag」講成「 sit up you bad」外，又話啲考官將「 during」講成疑似廣東粗口，再七情上面手指指用廣東話演繹一次，就係呢個樣搞到網友話佢囂爆，仲有人加埋字幕話畀觀眾聽 Ruby講英文有幾爛！
表情超誇
Ruby講英文模仿 ABC，再配合浮誇表情，睇完真係覺得佢幾厭惡。而英文補習天后 June Leung亦喺 fb話：「佢講成咁都有勇氣拍低畀大家睇，你（考試）又怎可以害怕錯而不開金口呢？」
網友話佢踩香港人抬高自己，其實自從俾網友狂插後， Ruby已經喺自家 blog同拍多條片講 sorry，又叫網友「 del」咗條片，不過網友仍唔多滿意話佢唔識諗。
會考港女 Ruby講真樣算靚，現就讀 band 2何文田區內一間中學 5D班，自稱上週二考完地理科後，因覺得監考官英文講得差，所以忍唔住用英文自拍「 English Video」話：「畀啲外國人聽到香港人嘅一啲 common mistake。」
百萬點擊
結果片段流出不足一日，原片和複製片加埋已超過百萬人次收看，網友話 Ruby態度囂張兼英文一樣咁屎， facebook更有多個反 Ruby群組，其中一個名為「促請超級港女 RUBY收皮」群組，短短一週已有超過 2萬名網友加入， Ruby氣勢可謂一時無兩。